[甜品系列] 是咁的，眨下眼聽日又星期五，又係時候約下身邊朋友行街食飯！你知啦，朋友係要見咖嘛！只可惜由唔知幾時開始，因為土地問題，食飯都要分幾輪，食完諗住傾下計啦，又會俾工作人員啤到你還枱！就係咁，咪個個去食甜品囉！
食甜品，係肥咖啦！食凍野，係傷身咖啦！但無辦法啦，要傾計嘛！咁諗咪錯哂囉！韓國人總係有辦法令你投降！雪糕加蜂巢傷完你個身又幫你養下生，計落仲有賺噃！就試下你！叫杯奶茶雪糕加蜂巢！一黎到，同黃生果d 成個森林咁樣既frozen yogurt 係無得比咖喇！但係平凡就是美嘛！(你無聽過咩，平凡係最正咖嘛！睇我就知啦！) 其實無所謂啦，我又唔係電話，堅食咖嘛我！
個奶茶雪糕底係滑既，奶茶味？有既！因為我叫奶茶味咖嘛！我實知佢有咖！不過重點始終係個蜂巢！一啖咬落去勤力蜜蜂仔既家園，我完全感受到蜜蜂既頑強！煙韌到不得了！加埋個雪糕，兩樣極端口感，perfect! 雖然係偏甜，不過配合返個雪糕就無咁膩！俾個私人小貼士你！去食記住帶埋香口膠呀！因為都幾痴牙咖！
Honey Granny
九龍城廣場UG 18號舖
旺角登打士街41—43地下3號舖
將軍澳廣場1樓1006號舖
鰂魚涌海光街36號地舖
九龍灣淘大商場3期地下G284號舖
Search